NUUS

"SAAM" – Amanda Strydom & Lize Beekman

Amanda Strydom en Lize Beekman span in hierdie vertoning hul talente saam vir ’n unieke musiekervaring.

SAAM delf hulle uit hulle musiekskatkis die liedjies wat hul saam komponeer het, die liedjies van hulle nuutste albums, asook hulle treffers wat volksbesit geword het. Daar is natuurlik ook stories te vertelle – soos net Strydom en Beekman kan.

Hul deel die verhoog met hul topmusikante : Janine Neethling (musikale regisseur, klavier), Juan Oosthuizen (kitaar) en David Klassen (perkussie).

By KKNK en INNIBOS het hulle gehore meegevoer en hul vertonings is met staande ovasies begroet. Geleentheid om hierdie samekoms te beleef is min, aangesien daar slegs enkele vertonings oor is: VOLKSBLAD KUNSTEFEES (Bloemfontein 17 Julie), en by CULTIVARIA (Paarl, 26 & 27 September). Bespreek betyds om jou sitplek te verseker!

"MUSIEK MAESTRO’S" – Toer

Rapport en Van Loverend bied in die volgende paar maande in meer as 26 dorpe die RAPPORT MUSIEK MAESTRO'S aan.

Dit is 'n klassieke, kontemporęre konsert reeks met selfs 'n bietjie meer boere-rock & roll.

Lize Beekman saam met ander kunstenaars soos Jannie Moolman, Anneke de Villiers, Brandon October en Jak de Priester. Besprekings kan by Computicket gedoen word...

Die konserte skop af op 01 Julie in Polokwane... Vir meer datums en venues, kyk asseblief onder Lize se kalender, of elke Sondag in Rapport.